CHICKEN JOY NG NANAY KO

DOSANA ROSE R. OLIVO

       

                Karamihan sa mga bata ay paborito ang putaheng ito. Madalas din ito kainin ng mga matanda at kabataan. Ito ay ang napakasarap na chickenjoy. Kung mapapansin natin, kadalasan ito nakikita sa mga selebrasyon. Pero ang chicken na tinutukoy ko ay hindi basta ordinaryong chickenjoy lamang. Sapagkat hindi ito makikita kahit saan, kahit sa dulo pa ng mundo ay hindi mo ito makikita. Ang chickenjoy na tinutukoy ko ay ang luto ng aking mahal na ina.

                Ang sangkap na kinakailangan para magawa ang recipe na ito ay kalamansi, patis at paminta. Simple lang ang kailangan para mailuto ang putaheng ito. Masarap na, madali pang lutuin. Maganda ito sa kalusugan dahil may carbohydrates at protein ito. Ang chickenjoy ng aking ina ay malinamnam at napakajuicy na habang ngumunguya ka ay mapapangiti ka ng wala sa oras kahit malungkot ka. Ang balat nito ay parang chicharon na hahanap-hanapin mo ang tunog sa sobrang lutong. Sa unang tingin pa lamang ay matatakam ka na sapagkat ang kulay nito ay golden brown na kumikintab sa paningin at talagang maeengayo kang tikman. Wala akong kamalay malay na magiging paborito ko ang chickenjoy hanggang sa pagtanda ko. Habang nilalasap ko ang pagkain na ito, lagi kong natatandaan ang mga childhood days ko lalo na noong una kong nalasahan ang chicken. Sa ngayon, hindi ako nagsasawa sa pagkain na ito. Kahit anong pagkain ang ihanda sa hapagkainan basta may chicken na nakahanda, hindi ko papansinin ang anumang putahe na nakalagay maliban sa chicken.

                Kagaya ng librong Chicken Soup for the Soul, ang chickenjoy ng nanay ko ay nagbibigay sa akin ng enerhiya sa kabila ng pagod lalo na ngayong nasa kolehiyo na ako. MapapaJOY talaga ako sa sarap ng chickenjoy ng nanay ko.