Pagluto ng Menudo; ang Pagmamahal TODO-TODO!

      

               

                Mahilig talaga akong kumain, hindi naman halata sa aking pangangatawan. Mula sa mga luto ni Inay hanggang sa mga luto ni Manong Fishball ay kinakain ko. Pero may mga pagkain na sadyang hinahanap-hanap ng iyong panlasa, o sa madaling salita ay ang paborito mong pagkain.

          Marami akong paboritong pagkain, pero mas mahilig ako sa mgapagkaing may tomato sauce gaya ng menudo. Ito ang aking paborito kong pagkain. Ngayon, marami ng iba’t ibang paraan ng pagluluto nito, pero walang tatalo sa luto ng aking ina pagdating dito, dahil may paghahanda ito ay may kasamang pagmamahal. Naalala ko pa nung  bata pa ako, ay pinapanuod ko ang aking ina sa pagluluto ng putaheng ito. Sa kanyang paraan ng pagluluto ay nilalagyan nya ito ng maraming patatas para daw ito ay malinamnam at dahil sa rin sa paborito ko ito. Kaya dahil dito ay naituro na nya sa akin kung paano ito lutuin.

          Ngayon sa edad ng 16 at sa kakayahan kong magluto, ay may kakayahan na akong lutuin ang menudo at ito ay napabilang na sa aking mga ispesialti, ay kahit lumipas ang maraming taon at maiba man ang timpla at lasa nito ay hindi mawawala sa aking alaala ang pagluluto ni Mama ng paborito kong menudo.